Skólinn er til húsa í björtum og nútímalegum húsakynnum í miðbænum. Þaðan er útsýni yfir dómkirkjuna sem byggð var á miðöldum. Í skólanum er lítið gistiheimili.

Meiri upplýsingar á þýsku, ensku, spænsku og frönsku getið þið fundið hér.

Námskeið

Í alþjóðlegu umhverfi skólans munuð þið njóta fjölbreyttra kennsluaðferða, þar sem tengdir eru saman meðal annars skapandi þættir og samskiptahæfni, Við höfum upp á að bjóða framúrskarandi kennara sem eru fullir áhuga og hafa áralanga reynslu af þýskukennslu fyrir fullorðna. Námskeiðum okkar er skipt niður í sex stig, allt frá algjörum byrjendum til lengra kominna (lengra komnir geta verið þýskukennarar eða nemendur sem eru að læra þýsku á háskólastigi). Hver kennslustund er 45 mínútur.

Dagsetningar og verðskrá, upplýsingar um próf, prófsundirbúningsnámskeið, önnur námskeið og námskeiðslýsingar eru á heimasíðu okkar: hér

Meiri upplýsingar á þýsku, ensku, spænsku og frönsku getið þið fundið hér.

Dagskrá utan skólatíma

Við viljum að þið kynnist Þýskalandi og Þjóðverjum. Þess vegna skipuleggjum við víðtæka dagskrá sem inniheldur: ferðir með leiðsögn um borgina og fyrirlestra um þýska sögu, stjórnmál og bókmenntir. Sérstök efni tungumálakennslunnar eru tekin fyrir svo sem hljóðfræði, orðatiltæki og algengar villur leiðréttar. Þá er boðið upp á vídeókvöld, matar- og kráarkvöld, farið í heimsóknir í nálæg fyrirtæki svo sem bjórverksmiðjur, BMW, Infineon, ritstjórn dagblaðs og sykurverksmiðju.

Annan hvern laugardag er farið í dagsferðir til nálægrar borgar eða áhugaverðra staða í Bæjaralandi og á miðvikudögum er farið í hálfsdagsferð. Á föstudögum eru stundaðar íþróttir eins og gönguferðir, hjólreiðaferðir, sund, skautar ,fótbolti, blak og skokk.

Dagskráin er þátttakendum að kostnaðarlausu en greiða þarf aðgangseyri og ferðir.

Eftirtaldir möguleikar eru í boði:
Skólagistiheimili sem er í sömu byggingu og skólinn, á 4. hæð í stóru húsi í miðbænum. Í boði eru einsmanns og tveggjamanna herbergi og eru öll herbergin reyklaus. Í hverju herbergi er sturta og salernisaðstaða. Fyrir hendi er rúmgóð sameiginleg aðstaða þar sem er sjónvarp, eldhús og tölvur með internetaðgangi, nemendum að kostnaðarlausu.
Herbergi á stúdentagarði (einstaklingsherbergi – sum með eigin sturtu og salernisaðstöðu, sameiginlegt eldhús).
Heimagisting (hjá fjölskyldum), annaðhvort með afnot af eldhúsi, með morgunmat eða hálfu fæði (morgunmat og kvöldmat).

Bókuð eru einstaklingsherbergi nema annað sé tekið fram. Takmarkaður fjöldi herbergja er í boði.

Skráning/Greiðsla

Mælt er með að bókað sé með góðum fyrirvara. Hægt er að skrá sig á netinu, með faxi eða pósti. Vinsamlegast sendið skráningargjald með umsókn ykkar eða eftir að hafa fengið staðfestingu frá okkur. Hægt er að greiða með kreditkorti, símgreiðslu, ávísun eða ferðatékkum. Fullnaðargreiðsla skal hafa farið fram áður en námskeið hefst og í síðasta lagi við komu.

Koma/Brottför

Koma er venjulega á sunnudegi. Ef þú dvelur hjá fjölskyldu, sendum við þér heimilisfang og símanúmer hennar með fyrirvara og biðjum þig um að láta hana vita um komutíma þinn. Ef þú átt bókað herbergi í skólagistiheimilinu eða á stúdentagarði gerum við ráð fyrir að þú komir í skólann á milli kl. 17:00 og 19:00 á sunnudegi.

Frá flugvellinum í München eru reglulegar lestar- og rútuferðir til Regensburg.